OkoD Audio Experience #40 Түүхээрээ өөрийн ИРЭЭДҮЙГ бүү барьцаал
Шинэ долоо хоногийн мэндийг хүргэе! Хүн хөдөлмөрлөж, зүтгэж байгаа цагт ямарваа нэгэн амжилт ололтыг гаргасан байдаг. Гэвч зарим тохиолдолд өнгөрсөнд гаргасан амжилтаараа ИРЭЭДҮЙГ тодорхойлох гээд байдаг. Хэдий амжилтаараа бахархаж, талархаж амьдрах нь ЗӨВ ч гэлээ хэт их бахархаж ирээдүйгээ тодорхойлж ҮЛ болно. Шинэхэн подкастаараа хэрхэн амжилтандаа талархаж түүний дараагаар хаашаа анхаарлаа төвлөрүүлж энергээ зарцуулах талаар ярилцлаа. Түүхэндээ бүү АМЬДАР! Би ойр ойрхон өөрийнхөө www.Instagram.com/Okod дээрээ дэлгэрэнгүй эдгээр сэдвүүдээр ярьдаг болохоор дагаарай! Стартап буюу гарааны компани үүсгэн байгуулж, түүнийгээ амжилтад хүрэх тун амаргүй. Статистикаас үзвэл 10 стартап тутмын 9 нь эхний цөөн жилдээ дампуурдаг байна. Тийм боловч өнөө цагт онцгой зарим технологийн стартапууд цахиур хагалж, үнэлгээ нь асар өндөрт хүрсээр байгаа тул компани байгуулж үзээд алдагсад, эрсдэл үүрэгсэд олон болж байна. Тэд компаниа амжилтад хүргэх жорыг хайсаар байдаг бөгөөд хайж буй зүйлийг нь томьёолж өгсөн ном бол Эрик Ризийн "Lean Startup" ном юм. Гарааны бизнесийнхний гарын авлага болсон энэ сайн бүтээлийг Хүмүүн Паблишинг "Дэвшилтэт стартап" нэрээр тун саяхан эрхлэн хэвлүүлснийг өнөөдөр тоймлон танилцуулж байна. Манай номыг захиалах бол 80805299! "OkoPodcast” гэж хэлээд 20% хямдралтай авч болно.