Nánd og kynlíf eftir meðgöngu

Hvenær ,,má” stunda kynlíf eftir fæðingu? Er eðlilegt að bíða lengi? Hvernig vita pör að þau eru tilbúin að stunda kynlíf eftir oft átakanlega líkamlega og andlega reynslu? Í þættinum kom Sigga Dögg kynfræðingur og ræddi um kynlíf og nánd eftir meðgöngu við ömmgurnar. Í þessu spjalli er einlægnin og heiðarleikinn í algeru fyrirrúmi og unga móðirin hlífir sér ekkert um þetta mikilvæga málefni. Fjölskyldan ehf á facebook Fjölskyldan ehf á Instagram Netfang þáttarins: fjolskyldanehf@gmail...

Om Podcasten

Margrét Pála og Móey Pála spjalla saman um fjölskylduna ehf, heimilislíf, uppeldi og er ekkert mannlegt óviðkomandi í þessu einlæga og skemmtilega hlaðvarpi. Fleiri fjölskyldumeðlimir kveða sér líka hljóðs enda er um Fjölskylduna ehf. að ræða. Margrét Pála setur sig í stellingar sem amma, senn langaamma og fær dótturdóttirin Móey Pála tækifæri til að spyrja ömmu um allt sem verðandi mæður velta fyrir sér 😊 Þær hafa kallað sig ömmgur (amma og dótturdóttir) frá því Móey var lítil stúlka en þær hafa alla tíð átt afar sterkt og sérstakt samband. Hlustendur fá einnig einstakt tækifæri til að kynnast því og fylgja meðgöngu Móeyjar og öllu sem fylgir þessu hamingjuríka og í senn krefjandi hlutverki; foreldrahlutverkinu! Margrét Pála, eða Magga Pála eins og hún er landsmönnum kunn, er frumkvöðull í menntamálum á Íslandi, höfundur Hjallastefnunnar og ötull talsmaður barna. Hún brennur fyrir uppeldi sem og Móey Pála, dótturdóttir hennar, en hún er uppeldis- og menntunarfræðingur.Tónlistarstef þáttarins er eftir Valgeir Guðjónsson og þættirnir eru teknir upp í stúdíó Lubba Peace undir stjórn Inga Þórs Ingibergssonar.