Diálogos 3 [Radio 3-RNE] Especial selo ECM - programa 1 [marzo 1992]
Primeiro dos programas especiais adicados ao selo alemán ECM [Edition of Contemporary Music], da serie Diálogos 3 [Rádio 3, RNE] que inauguramos a semana pasada neste blog. O programa que rescatamos hoxe responde ao primeiro dunha serie de dous que Ramón Trecet adicou ao selo alemán de nova música, ECM. Lembro que durante algunha grella radiofónica, Trecet, realizaba programas os sábados e domingos, donde aproveitaba para deterse na biografía dos músicos que pinchaba de luns a venres ou, mesmo, en selos discográficos coma ECM. Calquera outra lembranza ou emenda é benvida como comentario a esta entrada. Neste primeiro programa, RamónTrecet nos relata como un proxecto de distribución de músicas por correio postal chamado Jazz by Post, se transforma a finais da década dos sesenta nunha discográfica capitaneada por Manfred Eicher, ECM, na que comezarían a gravar as súas produzóns artistas que non se acomodaban a ningunha etiqueta convencional. Jazz, world music, contemporánea, clásica, son xéneros que atopamos en cada un dos artistas do catálogo de Múnich ECM, resultando unha "nova música" de corte Europeo que unida ao deseño artístico das portadas conforman a personalidade única deste interesantísimo selo alemá. As audaciais musicais, ou mesmo visuais [artísticos deseños das carpetas dos vinilos] do catálogo ECM, foron máis tarde emuladas por outros selos, coma Windham Hill ou mesmo CODA Records. Neste primeiro Diálogos 3 adicado a ECM, escoitamos: - PAT METHENY [New Chautauqua, 1979] - CHICK COREA & RETURN TO FOREVER [Return to Forever, 1972] - RALPH TOWNER con Jan Garbarak, Eberhard Weber & Jon Crhistensen [Solstice, 1977] - MEDERITH MONK [Dolmen Music for 6 voices, 1979] Fechamos os ollos e sintonizamos. Fin de semana do mes de marzo de 1992, tres da tarde, Radio 3 [RNE], Ramón Trecet, Diálogos 3... Máis info en: http://pequenosmonstros.blogspot.com