#119 - Sut i gynyddu elw drwy sicrhau bod eich cyfradd stocio a phori yn iawn
Ymunwch ag Ifan Jones Evans ar gyfer yr ail bennod yn ein cyfres arbennig ar ffermio proffidiol a chynhyrchiol yng Nghymru. Y tro hwn, rydym yn edrych yn fanwl ar systemau ffermio sy'n seiliedig ar laswellt. Mae Ifan yn teithio i Moelogan, Llanrwst, i gwrdd â Llion a Sian Jones. Mae'r pâr arloesol ar genhadaeth i greu fferm ucheldir broffidiol gan ddefnyddio system sy'n seiliedig ar borfa, gan wthio ffiniau rheoli glaswellt dros 1,000 troedfedd. Darganfyddwch beth sydd wir yn bosibl gyda'r rheolaeth gywir yn y bennod graff hon! Pwyntiau Allweddol: Cydbwyso Cyflenwad a Galw: Paru twf glaswellt ag anghenion da byw i wneud y mwyaf o elw. Dod o Hyd i'ch Cyfradd Stocio Orau posibl: Gwybod sut i'w chyfrifo ar gyfer eich fferm a'ch amodau eich hun. Rheoli Glaswellt yn Well: Hybu cynnyrch ac ansawdd porfa trwy dechnegau pori. Ymestyn y Tymor Pori: Anelu at fwy o ddyddiau ar laswellt, llai o ddibyniaeth ar ddwysfwyd a brynir i mewn. Osgoi'r Peryglon: Deall y risgiau ariannol o dan-stocio a gor-stocio. Defnyddio Pori i Leihau Costau: Mae rheoli pori'n ddoethach yn golygu biliau porthiant is a gwell elw. Mae'r gyfres hon wedi'i llunio mewn partneriaeth â Precision Grazing Ltd. Maent yn Arbenigwyr mewn mentrau da byw ac yn gweithio gyda nifer o fusnesau cofrestredig Cyswllt Ffermio i greu gwydnwch ac elw cynaliadwy.