Ernineq podcast

12: Moqu

av Ernineq podcast | Publicerades 10/28/2020

Episodemi uani tusarnaarsinnaavarsi Pipaluup anaananngorsimanermini oqaluttuaa. Pipaluk 15-inik ukioqarluni nakorsamiit paasivaa naartulluni . Pipaluk aappanilu tupaallaatigeqisaminik paasivaat naartunermini qaammatit tallimat sinnerlugit angoreersimagai. Nakorsaqarfimminngaanniit ilaatigut periarfissinneqarput meeraq inunngorpat allamut tunniunneqarsinnaanissaa. Qaammatit arfineq marluk angoqqammeraalu naartunermini ernisulersimavoq, sanamilu unitsitaalluni. Ullut pingasut ernisoreerluni nukappiaraq inunngorpoq. Immiussinermi Pipaluup nukaa peqataallatsiarpoq, nammineq ajanngorsimanermini qataanngutigiinnermullu sunniutinik eqqartueqatigiilaarlutik. Pipalummut ataatanngortumullu angajoqqaanngorneq allatulli oqitsuinnaasimanngilaq. Ernerat inorluni inuusimanera ilaatigut isumaqarpoq sanap intensivafdelingiani qaammat uninnganerat, qaammatillu marluk k3-mi. Episode 12-imi Pipaluup naartnermini, erninermini erninermilu kingorna misigisaanik tusarnaarit.

Om Podcasten

Ernineq podcast tassaavoq ernisunnilikkersaannermut, naartunermut angajoqqaanngorsimanermut tunngasunik oqaluttuartarfik. Naartunermi aqqusaakkat nammineq misigisanit assigiinngitsuni nuannersumik, ammasumik, misigisanullu tamanut inissaqartitsisumik eqqartuiffissatut pilersaarusiaavoq. Ernineq podcast handler om fødsler, graviditet og forældreskab. Beretninger om oplevelserne ved alle aspekter under gravidtet. Podcasten er en form for ventil og frirum for fortællerne, hvor der er plads til sjov, ærlighed og åbenhed.