#14 Myanmar

Myanmar, land í Suðaustur-Asíu, hefur vakið heimsathygli undanfarin misseri í kjölfar valdaráns herstjórnarinnar þar í landi og virðist ekkert lát vera á borgarlegum átökum og mótmælum sem herinn reynir að bæla niður. Einar og Ragnar fóru á stúfana og rannsökuðu merkilega sögu og pólitíska þróun landsins sem tengjast atburðum líðandi stunda þar í landi. Að auki veltu þeir fyrir sér Myanmar sem áfangastað ferðamanna. Þetta er einstaklega merkilegt og fallegt land en það er spurning hvort eða hvenær verði hægt að ferðast þarna með eðlilegu móti að nýju? 

Om Podcasten

Félagarnir og ferðamálafræðingarnir Einar Sigurðsson og Ragnar Már Jónsson ferðast um víðan völl í Ferðapodcastinu þar sem fjallað verður um mismunandi þjóðir og svæði í heiminum á léttu nótunum með áherslu á menningu, sögu, náttúru og ferðaþjónustu svo eitthvað sé nefnt. Þeir hafa báðir mikla ástríðu og reynslu af ferðalögum og munu fræða hlustendur um marga áhugaverða og ólíka áfangastaði. Þetta er þáttur fyrir alla þá sem elska að ferðast og þrá að upplifa nýja staði og framandi menningarheima.