Klemens Hannigan og sósurnar
Klemens Hannigan varð landsfrægur á einni nóttu með hljómsveitinni Hatara sem tók þátt í Eurovision í Ísrael fyrir Íslands hönd en notaði tækifærið til að vekja athygli á bágri stöðu palestínsku þjóðarinnar. Klemens hefur síðan haldið áfram að gera tónlist og sendi nýlega frá sér plötu sem ber heitið Low Light og hefur hlotið lofsamlega dóma. Klemens kemur í fimmu og ræðir fimm sósur sem hafa markað líf hans. Það verður áhugavert. Þess má geta að Klemens vinnur líka sem myndlistarmaður og húsgagnasmiður. Það kemur að sjálfsögðu við sögu Í síðari hluta þáttarins mætir Parísardaman dásamlega Kristín Jónsdóttir með nýja bók í farteskinu en hún heitir Vatn á blómin og er frönsk metsölubók eftir Valerie Perrin.