Laufið kynningarþáttur

Velkomin í Laufið - hlaðvarp um sjálfbærni fyrir stjórnendur á mannamáli - eða bara fyrir öll þau sem vilja kynna sér þessi mikilvægu mál! Laufið er ný græn upplýsingamiðlun fyrir atvinnulífið og hagnýt verkfærakista fyrir stjórnendur. Græn umbylting er að eiga sér stað allt í kringum okkur og breyttir tímar kalla á nýjar kröfur um sjálfbærari rekstur. Ljóst er að íslenskt atvinnulíf stendur frammi fyrir ærnu verkefni svo það er um að gera að hefjast handa! Á næstu vikum og mánuðum fjöllum við um grænar umbætur sem eru að eiga sér stað í íslenskum fyrirtækjum. Enginn geiri er undanskilinn enda er sameiginleg framtíð á ábyrgð okkar allra og þetta eru snjöllustu stjórnendur löngu búin að átta sig á. Við hjá Laufinu höfum farið vítt og breitt og talað við fjölmörg fyrirtæki sem hafa stígið skrefið í áttina að vistvænni og ábyrgari starfsháttum. Fylgist með Grænum sögum þar sem við fáum til okkar stjórnendur sem deila reynslu sinni af grænum umbótum og hvers vegna þau hafa lagt af stað í vegferð um sjálfbærni með sínu fólki. Síðan köfum við dýpra  og skoðum fjölmörg álitaefni tengd loftslagsmálum og umhverfisvernd frá ýmsum sjónarhornum. Við fáum til okkar áhrifafólk úr mörgum áttum: fræðimenn, aktivísta, hagsmunasamtök og fleiri til að leggja lóð á vogarskálarnar og meitlum flókin álitaefni svo að fólk á hraðferð geti auðveldlega áttað sig á stöðunni. Það er ekki lengur afsökun að vera með hausinn í sandinum því nú er kominn vettvangur sem hjálpar þér af stað! Munum að sjálfbærni er vegferð:  Enginn getur farið í hana fyrir þig - en Laufið er hins vegar með þér alla leið! Fylgist með okkur á Storytel, Spotify og eða hvar sem þú hlustar á hlaðvörp

Om Podcasten

Hér fjöllum við um grænar umbyltingar og breytta stjórnunarhætti sem eru að eiga sér stað í íslensku atvinnulífi og allt í kringum okkur. Við segjum meðal annars frá stjórnendum sem eru að ryðja brautina og leiða fyrirtæki í áttina að sjálfbærara og vistvænna samfélagi.