Lögguhorn: Þorið og klisjurnar

Margt og mikið hefur breyst hjá íslensku lögreglunni um síðustu áratugina. Ragnar Jónsson, bíódellukarl með meiru, er fulltrúi tæknideildar lögreglunnar og hefur sinnt allmörgum hlutverkum frá því að störf hans hófust árið 1990. Ragnar hef­ur lært að fresta aldrei hlut­um því eng­inn veit hvað morg­undag­ur­inn beri í skauti sér. Hann er einn hand­rits­höf­unda Svörtu sanda sem eru nú að gera það gott úti í heimi. Ragn­ar er ný­kom­inn heim frá viðburðarríkri ferð til Bandaríkjanna þegar samtal þeirra Tómasar er hljóðritað, sem er ekki í frásögur færandi nema heimsókn hans til höfuðstöðva FBI í Washington, DC, reyndist honum ógleymanleg. Lífið, listir og listilegir safngripir af margs konar toga eru Ragnari afar kærir og í Lögguhorni þessu er yfir víðan völl farið varðandi mannlega þáttinn í lífi og starfi aðkomu hans að Svörtu söndum, samningaviðræður og hvernig hann stóðst þá áskorun að skrifa sína fyrstu ástarsenu. Efnisyfirlit: 00:00 - Hugarútrás á vinnustað 06:50 - ,,Ragnar (persónan) er ég” 08:10 - Helgarvaktir í löggunni 09:03 - ,,Hvað vilja áhorfendur sjá?” 17:17 - Heimsókn til höfuðstöðva FBI 21:21 - Tækni við samningaviðræður 24:40 - Listin að skrifa ástarsenu… 27:40 - ,,Þú verður að þora meira”

Om Podcasten

Eitthvað grasserar á Glerársöndum og margir búast við svörum. Baldvin Z kvikmyndagerðarmaður og Tómas Valgeirsson bíófíkill grandskoða sjónvarpsþættina Svörtu sanda frá ólíkum hliðum. Vangaveltur neytandans koma ferskar að skaparanum, en Tómas kemur með getspár, kenningar og fyrirspurnir á meðan þeir í sameiningu varpa ljósi á framvindu sögunnar, persónurnar, þemu og myndlíkingar. Þá er líka stutt í sturlaðar staðreyndir á bakvið gerð seríunnar og um kvikmyndagerð eins og hún leggur sig. Þá má líka búast við fleiri vinklum og gestum í þessari djúsí djúpgreiningu. Hefst þá stúderingin.